Durante recorido den Parke Arikok: Famia real saluda pa shon shoco

Famia Real ta na Aruba y en conexion cu esaki, diamars mainta nan a haya un recorido den Parke Nacional Arikok.

Parke Nacional tabata tin mas o menos cuater luna caba den preparacion pa e bishita di Famia Real. Asina Norman Kuiperi, Director Interino di Parke Nacional Arikok a cuminsa na bisa. Cu hopi orguyo el a gradici tur e Ranger-  y e bendedonan pa excelente trabou eherce ya cu tur hende den e park a traha duro pa prepara un bunita recepcion pa e Famia Real.